Nardaranda bir qrup iğtişaşçı armatur, lom və dəyənəklərlə silahlanıb

Nardaranda baş verən silahlı insidentdən sonra bir qrup iğtişaşçı "İmam Hüseyn" meydanına toplaşıb.

APA-nın hazırda Nardaranda olam əməkdaşı xəbər verir ki, onlar qəsəbəyə aparan yollara daş tökərək bağlayıb, qəsəbəyə kənar şəxslər, o cümlədən jurnalistlər buraxılmırlar. Qəsəbənin mərkəzinə keçmək istəyən ATV-nin avtomobili əzilib, əməkdaşı isə döyülüb. Meydanın ətrafına toplaşmış bir qrup iğtişaşçı armatur, lom və dəyənəklərlə silahlanıb.

"Azadlıq" radiosunun əməkdaşı Turxan Qarışqa "Facebook" səhifəsində yazıb: "Etirazçılar Molotov kokteyli hazırlayır. Hazırda meydanın mərkəzində butulkalara nöyüt tökülür. Kəndə girən yollara daş, dəmir tökülüb. Böyük etiraza hazırlaşırlar. Polis gözə dəymir".

İğtişaşçılar qəsəbə sakinlərini də onlara qoşulmağa tələb edilər.

Qeyd edək ki, bu gün Nardaranda bir qrup silahlı şəxs tərəfindən polisə müqavimət göstərilib. İki polis əməkdaşı həlak olub, yaralılar var.

Ölkə.Az