Ərdoğandan Qərbi mat edəcək sual

Türkiyə prezidenti Rəcəb Tayyib Ərdoğan terror təşkilatlarının Avropanın inkişaf etimş ölkələri tərəfindən maliyyələşdirildiyini deməklə sensasiyon açıqlama edib.

Prezident bu ölkələrin terror qruplaşmalarına qarşı göz yumduqlarını pisləyib.

"İŞİD terror təşkilatıdır və onların İslam dini ilə heç bir əlaqəsi yoxdur. Dünya birliyi İŞİD-ə qarşı göstərdiyi həssaslığı PKK terroru ilə mübarizədə göstərməyib", deyə Ərdoğan bildirib.

Onun sözlərinə görə, terrorun bütün növlərinə qarşı eyni şəkildə mübarizə aparılmalıdır.

"Mənim ölkəmdə 32 ildir davam edən bir PKK-a terror təşkilatı var. Görəsən bu dünyanı niyə narahat etmir? Bu sadəcə mənim ölkəmdə deyil. Bu terror təşkilatının kökləri Avropanın "mənəm-mənəm" deyən ölkəsinə gedib çıxır. Bütün maddi təminat ordan gəlir, silah təminatı ordan gəlir. Görəsən bu Avropalı dostlar nə üçün bu terror təşkilatına qarşı ən kiçik bir mücadilə yolu seçmədilər?”

Prezident Ərdoğan İŞİD-in tərkibinə Qərb ölkələrindən də çox sayda gəncin qatıldığını bəyan edib.

Birləşmiş Ştatlar prezidenti Barak Obama da İŞİD qruplaşmasını əvvəldən ciddiyə almadıqlarını etiraf etsə də, sonradan vəziyyətin ciddiliyini anlayıblar. Obama ABŞ-ın “SBS” telekanalına verdiyi müsahibədə İŞİD-ə qarşı mübarizədə hərbi müdaxilənin kifayət etməyəcəyini, bu səbəbdən bölgədə olan bütün dövlətlərin yardımının vacibliyini vurğulayıb. (ANS TV)

Ölkə.Az