Mingəçevir sakininə canavar hücum edib
Mingəçevirdə qoyun otaran şəxs canavar hücumuna məruz qalaraq ağır xəsarət alıb.
Hadisə bu gün axşam saatlarında şəhər kənarındakı dağətəyi ərazidə qeydə alınıb.
Mingəçevirdə yaşayan 1993-cü il təvəllüdlü Məmişov Elçin Xəlil oğlu qəflətən canavarların onun qoyunlarına hücum etdiyini görüb. Canavarlar 4 baş qoyunu parçalayıb. Elçin Məmişov onları ərazidən qovmaq istədikdə özü də vəhşi heyvanların hücumuna məruz qalıb.
Canavarlar yerə yıxılan Elçin Məsimova bədən və baş nahiyyəsindən xəsarət yetirib.
Mingəçevir Mərkəzi şəhər Xəstəxanasına yerləşdirilən yaralının üzərində cərrahiyyə əməliyyatı aparılıb.
Hazırda onun vəziyyəti orta-ağır olaraq qalır. (APA)
Ölkə.Az
