Bu gün Putin və Ərdoğan görüşəcək

Ölkə liderləri təkbətək görüşməyəcək

Ölkə.Az xəbər verir ki, bu gün Fransanın paytaxtında BMT-nin beynəlxalq iqlim sammiti keçiriləcək.

Tədbirdə 150-dən çox dövlətin, o cümlədən Türkiyə və Rusiyanın rəhbərləri iştirak edəcək. Sammitdə qəbul edilən qərarlar planetdə ekoloji vəziyyətə prinsipial təsirini göstərəcək.

İqlim sammitinin ərəfəsində minlərlə ətraf mühit müdafiəçisi etiraz etmək üçün küçələrə çıxıb. 200-dən çox fəal saxlanılıb.

Bir neçə gün öncə KİV-lər yazırdı ki, Parisdə Türkiyə prezidenti Rəcəb Tayyıb Ərdoğanla Rusiya Federasiyası dövlət başçısı Vladimir Putin arasında görüş keçiriləcək.

Görüşün Parisdə baş tutacaq iqlimin dəyişməsi ilə bağlı sammiti çərçivəsində keçiriləcəyi bildirilirdi. İnformasiyaya əsasən, hər iki ölkə liderləri təkbətək görüşməyəcək.

Noyabrın 24-də səhər saatlarında Rusiyanın Suriyadakı hərbi aviasiya qrupuna məxsus "Su-24" döyüş təyyarəsi Türkiyənin hava sərhədini pozub. Türkiyə Hərbi Hava Qüvvələri ərazini tərk etmələri üçün ruslara 10 dəfə xəbərdarlıq edib. Bundan sonra Türkiyənin "F-16" qırıcıları "Su-24"ü zərərsizləşdirib.

Rəşid Mustafazadə

Ölkə.Az