Türkiyə Rusiyaya çağırış etdi

"Türkiyə İŞİD terror təşkilatı yaraqlılarını sıxışdırmağa davam edəcək"

Ölkə.Az xəbər verir ki, Türkiyə baş naziri Əhməd Davudoğlu Rusiya tərəfinin hərbi rabitə kanallarının bərpa edilməsinin zəruri olduğunu bəyan edib.

O izah edib ki, iki ölkə arasında hərbi kommunikasiya kanalları ötən həftə Suriya sərhədində vurulan hərbi təyyarə ilə bağlı hadisəyə bənzər insidentlərin qarşısını almaq üçün mühüm rol oynayır. Davudoğlu qeyd edib ki, Türkiyə Suriyanın sərhədyanı rayonundan İŞİD terror təşkilatı yaraqlılarını sıxışdırmağa davam edəcək.

Rusiya Federasiyası prezidentinin mətbuat katibi Dmitriy Peskov cavab olaraq bəyan edib ki, Su-24-lə bağlı hadisədə Türkiyə ilə hərbi informasiya mübadiləsi kanallarının işləməməsi Rusiyanın günahı ucbatından baş verməyib.

Xatırladaq ki, Türkiyə HHQ noyabrın 24-də Suriyada terror əleyhinə əməliyyatı həyata keçirən Rusiyanın Su-24 təyyarəsini vurub. Hər iki təyyarəçi katapulta edib, Peşkov yerdən açılan atəş nəticəsində həlak olub.

Rəşid Mustafazadə

Ölkə.Az