NATO Türkiyənin hava müdafiəsini dəstəkləyəcək

"NATO Türkiyəni hava müdafiəsinin təmin edilməsində dəstəkləyəcək, ancaq bunun Rusiyaya məxsus Su-24-lə heç bir əlaqəsi yoxdur".

Ölkə.Az xəbər verir ki, bunu NATO-nun baş katibi Yens Stoltenberq NATO xarici işlər nazirlərinin görüşündə bəyan edib.

"Türkiyə mühüm müttəfiqimizdir, biz uzun illərdir ordayıq və bu işin ötən həftə vurulan rus təyyarəsi ilə heç bir bağlılığı yoxdur", - deyə Stoltenberq qeyd edib.

Rusiyanın vurulan təyyarəsi barədə danışan katib vurğulayıb ki, deeskalasiyanın, gərginliyin azaldılması imkanları tapılmalıdır.

"Oxşar hadisələr barədə xəbərdarlıq etməyə imkan verən, o cümlədən hərbi rabitə xətləri yaradılmalıdır", - deyə Stoltenberq vurğulayıb.

Rəşid Mustafazadə

Ölkə.Az