Ərdoğan: "Türkiyə Rusiya ilə gərginlikdən qaçmaq istəyir"

"Rusiya ilə münasibətlərdəki böhran diplomatik yolla nizamlanmalıdır".

Ölkə.Az xəbər verir ki, bunu Türkiyə prezidenti Rəcəb Tayyıb Ərdoğan Parisdə ABŞ prezidenti Barak Obama ilə görüşün yekunlarına dair çıxış edərkən bəyan edib.

"Biz hörmətli Obama ilə Rusiya ilə bağlı vəziyyəti müzakirə etdik. Türkiyə yaranmış böhranın qarşısının alınması üçün diplomatik səylərin tərəfdarıdır", - deyə Ərdoğan bildirib.

Onun sözlərinə görə, Türkiyə Rusiya ilə münasibətlərdə gərginliyin səviyyəsini azaltmaq istəyir.

Xatırladaq ki, Türkiyə HHQ noyabrın 24-də Suriyada terror əleyhinə əməliyyatı həyata keçirən Rusiyanın Su-24 təyyarəsini vurub. Hər iki təyyarəçi katapulta edib, Peşkov yerdən açılan atəş nəticəsində həlak olub.

Rəşid Mustafazadə

Ölkə.Az