NATO-dan Türkiyəyə böyük dəstək

Türkiyə-Suriya sərhədində baş vermiş insidentdən sonra Moskva ilə Ankaranın münasibətləri gərginləşib.

Ölkə.az xəbər verir ki, Rusiyanın təyyarəsinin vurulmasından sonra Kreml Suriyadakı hərbi kontingentini gücləndirmək qərarına gəlib.

Putinin göstərişi ilə Suriyaya hava hücumundan müdafiə sistemlərinin gətirilməsi regionda vəziyyəti gərginləşdirib. Türkiyəni təhdid edən Rusiyanın cavabını isə NATO verib.

NATO baş katibi Yen Stoltenberq yaxın zamanlarda Aralıq dənizinin akvatoriyasına Türkiyəni müdafiə etmək üçün hərbi gəmilər, təyyarələr, raket kreyserləri və canlı qüvvənin göndəriləcəyini bildirib.

Alyansın baş katibi bu haqda Belçikanın paytaxtı Brüsseldə keçirilən NATO ölkələrinin xarici işlər nazirlərinin toplantısında məlumat verib. O, qeyd edib ki, qurumun üzvü olan Türkiyənin təhlükəsizliyi üçün bütün tədbirlər görüləcək.

Ölkə.az