Pentaqon Ukraynaya ən müasir silahlar göndərəcək
ABŞ Ukrayna ordusu üçün ən müasir hərbi avadanlıq göndərəcək.
Ölkə.az xəbər verir ki, bu haqda Pentaqonun rəsmi nümayəndəsi Mişel Baldans məlumat verib.
"ABŞ davamlı olaraq özünün xaricdəki tərəfdaşları üçün hərbi yardımlar ayıracaq. Bu yardımlara müasir hərbi texnika, müasir hərbi avadanlıqlar və digər müdafiə təyinatlı ləvazimatlar daxildir. Bu ölkələr arasında Ukrayna da var. Biz Kiyevi ona lazım olan bütün hərbi ləvazimatlarla təmin edəcəyik", deyə Pentaqon rəsmisi bildirib.
Xatırladırıq ki, bu yaxınlarda ABŞ hökuməti Ukraynaya 260 milyon dollar dəyərində hərbi avadanlıq vermək barədə qərar qəbul edib.
Ölkə.az