Əhməd Davudoğlu: \"Rus qazına alternativimiz var\"

Türkiyənin baş naziri Əhməd Davudoğlu ölkəsinin rus qazından asılı olmadığını bildirib.

Ölkə.az xəbər verir ki, Türkiyənin baş naziri Rusiyanın ölkəsinə satdığı qazı kəsmə ehtimalını dəyərləndirib. O, bildirib ki, Rusiyanın bu addımı atmayacağına ümid edir, amma əgər Moskva belə bir addım atarsa, onda Ankaranın ehtiyat variantları var.

Əhməd Davudoğlu qeyd edib ki, Türkiyə üçün alternativ mənbələr Azərbaycan və İrandır.

Xatırladırıq ki, Türkiyə hal-hazırda hər iki ölkədən müəyyən miqdarda mavi yanacaq idxal edir. Baş nazir Rusiyanın Türkiyəyə satdığı qazı kəsəcəyi durumunda İran və Azərbaycanın qaz satışını artıraraq ölkəsinin tələbatını təmin edə biləcəklərini vurğulayıb.

Ölkə.az