Əsgər Abdullayev darmadağını şərh etdi
Bu gün Azərbaycan Kubokunda 1/8 final mərhələsinə start verilib.
"Neftçi" doğma meydanda 1-ci divizion təmsilçisi "Qaradağ Lökbatan"ı 8:0 hesabı ilə məğlub edərək, növbəti mərhələyə vəsiqə qazanıb.
"Bakcell Arena"dakı matçdan sonra təşkil olunan mətbuat konfransında açıqlama verən ev sahibi komandanın baş məşqçisi Əsgər Abdullayev qələbəni belə şərh edib:
“Zəif oyun olmur, zəif hazırlıq olur. Biz komandanı oyuna kökləyə bildik və qələbə qazandıq. Futbolçular verilən tapşırıqları yerinə yetirdilər”.
“Qaradağ Lökbatan”ın məşqçisi Araz Əliyev isə məğlubiyyətlə bağlı bu sözləri deyib:
“Oyun barədə artıq nəsə danışmağa ehtiyac yoxdur. “Neftçi” qələbə qazandı, onlara uğurlar arzu edirəm. “Neftçi” həmişə kubok və çempionluq üçün mübarizə aparıb”. (Qafqazinfo)
Ölkə.Az
