Romada Türkiyəyə etiraz olundu

Rusiya qırıcısının vurulmasını nəzərdə tutublar

Ölkə.Az xəbər verir ki, Roma şəhərində "Rai" teleradioşirkətinin binası qarşısında Türkiyə hökumətinə qarşı etiraz aksiyası keçirilib.

"Sosial hərəkat" və "Gənclik cəbhəsi"nin təşkilatçılığı ilə keçirilən nümayişdə 200-ə yaxın şəxs iştirak edib. Gənclər KİV-ləri İŞİD terror təşkilatı haqqında həqiqətə uyğun olmayan məlumatları yaymaqda ittiham edib. İştirakçıların sözlərinə görə, media orqanları Türkiyə haqqında nağıl danışaraq əsl vəhşilikləri gizlədir.

Etirazçılar "vəhşiliklər" altında Türkiyədə jurnalistlərin həbsi, mərkəzdə baş verən partlayış, Rusiya qırıcısının vurulmasını nəzərdə tutublar.

Rəşid Mustafazadə

Ölkə.Az