Ekspert: "Rusiya-Türkiyə gərginliyi Ermənistan və Azərbaycan arasında..."

Türkiyə və Rusiya arasında gərginlik artan tempdə davam edir.

Azərbaycan tərəfi iki ölkə arasında barışdırıcı mövqe sərgiləsə də, iddia olunur ki, Türkiyə-Rusiya gərginliyi Azərbaycan Ermənistana da sıçrasın.

Bunları hərbi ekspert Üzeyir Cəfərov Ölkə.Az-a verdiyi açıqlamasında bildirib.

"Heç kimə sir deyil ki, Ermənistanın arxasında Rusiya dayanır. Türkiyə ilə Rusiya arasında olan gərginliyə görə Rusiya çalışacaq ki, Ermənistanı hərəkətə gətirsin. Bu hərəkət necə olacaq bilmirəm, ancaq dəqiq bildiyim odur ki, Azərbaycan və Ermənistan arasında gərginlik hiss olunacaq. Gərginlik ya cəbhə bölgəsində, ya da sərhdyani bölgədə olacaq.

Ermənistan onsuz da bütün idarəni rusların əlinə verib. Ona görə də, Rusiya necə istəyir, Ermənistanı elə də idarə edir. Ona görə də, Azərbaycan və Ermənistan arasında gərginlik mütləq mənada olacaq. Son zamanlar diplomatiyadan kənar ifadələrin işlədilməsi, təhqiramiz ifadələrin səsləndirilməsi buna işarədir. Düzdür, Rusiya çalışacaq özünü bu məslələrdən kənara çəksin, ancaq sifarişçi yenə Rusiya olacaq".

Xatırladaq ki, Rusiya Türkiyə arasında baş verən gərginliyin səbəbi Türkiyənin Rusiya hərbi təyyarəsini sərhəddi pozduğuna görə vurmasıdır.

Səxavət Məmməd
Ölkə.Az