Qubada 80 santimetr qar yağdı, həyat iflic oldu

Quba rayonunda qarın hündürlüyü səksən santimetrə çatıb.

Ölkə.az-ın məlumatına görə, bu barədə jurnalist Emin Kərimov sosial şəbəkədə məlumat verib. Kərimov bildirib ki, ən çox qar rayonun Dərk kəndinə düşüb:

"Hazırda isə rayon mərkəzi ilə ondan çox kəndin nəqliyyat yolu bağlanıb, əlaqə kəsilib. Qonaqkənd istiqamətində olan iyirmidən çox çox dağ kəndləri və işıq sarıdan korluq çəkir, elektrik enerjisi tamamilə yoxdur. Buduq, Qarxun Rük, Adur və Söhüb kəndində də qar 60 santimetri keçib. Hazırda nəqliyyat vasitələri işləmir, səhər saatlarında elektrik enerjisi və internet kəsilib. Qarxun kəndi Quba rayon mərkəzindən 80 km aralıda Baba dağının 11 km liyində yerləşir. Qarxun kəndində 80 Rük kəndində 50 Söhüb kəndində 100 və Adur kəndində 65 yaşayış evi var.Buna baxmayaraq Adur kəndində indi 2 evdə insan yaşayır".

Xatırladaq ki, dünəndən yağan qar ölkənin bir çox rayonlarında eyni problemin yaranmasına səbəb olub.

İntiqam VALEHOĞLU
Ölkə.az