Qardaş, mənə oxşamırsan... - Ronaldo-Fatih Terim matçı (VİDEO)

Ölkə.Az xəbər verir ki, bu oyun Kristiano Ronaldo-Fatih Terim görüşü kimi də yozulub.

Heç-heç bitən matçda 4 qol vurulub və portuqaliyalı ulduz 45+7-ci dəqiqədə fərqlənib. Onun zərbəsindən sonra top toru silkələsə də, yan hakimin bayrağı havaya qalxıb. Daha sonra isə VAR-a baxıldıqdan sonra qol hesaba alınıb.

O, qarşılaşmanın 70-ci dəqiqəsində əvəzlənsə də, görüşün ən yaxşı futbolçusu seçilib.

Bundan əlavə, matçdan öncə maraqlı anlar yaşanıb. Belə ki, Ronaldo ona bənzərliyi ilə özünü reklam edən "Adanalı Ronaldo"ya zarafatla belə deyib: "Qardaş, sən mənə oxşamırsan, çok çirkinsən".

Qeyd edək ki, portuqaliyalı ulduz ümumilikdə vurduğu qolların sayını 926-ya çatdırıb.

Məlumat üçün bildirək ki, Kristianonun klubu son 6 oyunda cəmi 1 qələbə qazana bilib. Diqqətlər Səudiyyə Ərəbistanı təmsilçinin Asiya Çempionlar Liqasındakı çıxışına yönəlib. İranın "Esteghlal" klubunu məğlub edə bilməsə, mübarizəni dayandıracaq.

Xatırladaq ki, türkiyəli baş məşqçi "Əl Şəbab"ın sükanı arxasındadır. Klub turnir cədvəlində 6-cı yerdə qərarlaşıb.