İŞİD tərəfdarları İstanbul Universitetinə girdi

İŞİD-i dəstəkləyənlər İstanbul Universitetinə hücum edib

Ölkə.Az azxəbər.com-a istinadən xəbər verir ki, İstanbul Universitetinin Ədəbiyyat Fakültəsində İŞİD-ə qarşı açılmış bir afişa terrorçu qruplaşmanın dəstəkçilərini özündən çıxarıb. Nəticədə universitet İŞİD dəstəkçilərinin hücumuna məruz qalıb.

Belə ki, radikal dini qruplaşmaları dəstəkləyən tələbələrin yaratdığı "Müsəlman Gənclik" təşkilatının üzvləri əvvəlcə afişanın yığışdırılmasını tələb ediblər. 15 dəqiqə sonra isə əllərində mismarlı dəyənəklərlə fakultəyə hücum ediblər. Hücum zamanı bir tələbə başından yaralanıb. Polis 3 nəfəri saxlayıb.

İŞİD qalmaqalı ilə bağlı universitet rəhbərliyi detallı məlumat açıqlamayıb.

Qeyd edək ki, İstanbulda fəaliyyət göstərən ”Müsəlman Gənclik” Təşkilatının üzvləri arasında "Hİzbullah"ı da dəstəkləyən tələbələrin də olduğu bildirilir.

Həmin universitetdə oxuyan azərbaycanlı tələbələrdən biri İŞİD-çilərin aksiyasını lentə alıb və AZXEBER.COM-a təqdim edib.

Videoya buradan baxa bilərsiniz: //www.facebook.com/video.php?v=765905756779133&set=vb.134447493258299&type=2&theater

Ölkə.Az