Əhməd Davudoğlu: “İraqda hərbi əməliyyat aparmaq fikrimiz yoxdur”
Türkiyənin baş naziri Əhməd Davudoğlu ölkəsinin İraqda hərbi mövcudluğunu gücləndirməsi barədə iddiaları rədd edib.
Bu barədə o, yerli telekanallardan birinə müsahibəsində bildirib.
“Mosuldan 30 km şimalda, Başik düşərgəsində terrorçularla mübarizə aparan könüllülərin təlimləri keçirilir”, - deyib baş nazir və əlavə edib ki, orada Türkiyə hərbçilərinin varlığı qətiyyən Türkiyənin İraqda hərbi əməliyyata hazırlaşması anlamına gəlmir.
Bundan öncə rəsmi Ankara Mosulun şimalında könüllülərə (pəşmərgələrə) təlim keçən türk hərbçilərinin əvəzləndiyini bəyan eləmişdi. (musavat)
Ölkə.Az
