Matəmə niyə əməl olunmur?

Bu gün prezident İlham Əliyev “Günəşli” yatağındakı dəhşətli yanğınla bağlı bir günlük matəm elan etsə də, hələ də buna əməl etməyənlər var.

Ölkə.Az xəbər verir ki, “İrəli” İctimai Birliyinin sədri Mirhəsən Seyidov bu barədə “Facebook” hesabında yazıb.

Onun sözlərinə görə, Nizami kino mərkəzi, eləcə də Mədəniyyət və Turizm Nazirliyinin digər tamaşa və salonları əyləncəli bütün yayımları dayandırmasına baxmayaraq, hələ də Park Cinema kino şəbəkəsi filmlərin nümayişini dayandırmayıb:

“Ticarət obyektlərinin 90%-i işlək haldadır”.

Sədr telekanalların bir çoxunun reklam haqqında qanuna bələd olmadığını da qeyd edib:

“Reklam yayımı haqqında Qanunun 20.8-ci maddəsində göstərilib ki, müvafiq icra hakimiyyəti orqanı tərəfindən elan olunmuş matəm günlərində teleradio proqramlarında reklam yayımlanması qadağandır. Buna baxmayaraq, qaraya bürünmüş və lentinə sadiq qalan bəzi telekanallar buna məhəl qoymayaraq reklam nümayiş etdirir”.

Ölkə.Az