“Rusiyadan neftçiləri xilas etmək üçün kömək istəmişik”
"Günəşli" platformasında baş verən faciə ilə bağlı növbəti dəfə mətbuat konfransı keçirilib.
Ölkə.Az musavat.com-a istinadən xəbər verir ki, mətbuat konfransında çıxış edən SOCAR-ın vitse- prezidenti Xaliq Məmmədov bildirib ki, Qazaxıstan, İran və Rusiyadan sularda olan neftçilərin tapılmasında kömək istənilib.
X.Məmmədov qeyd edib ki, xilas etmə işləri davam edir: "Rövnəq Abdullayev dənizdə, gəmidə qurulan qərargahdadır. Təəssüflə bildirirəm ki, hələ ki heç bir neftçi tapılmayıb. Hava qaraldığı üçün helikopterlər axtarışı dayandırıb. Gəmilər isə axtarışı davam etdirir".
Vitse -prezident bildirib ki, xəstəxanada olanların 22 nəfəri evə buraxılıb. 9 nəfər həkim nəzarətindədir və həyatları üçün təhlükə yoxdur.
Ölkə.Az