Azərbaycan millisi yoldaşlıq görüşündə Belarusa məğlub olub - Yenilənib

"Matç rəqib komandanın 2:0 hesablı qələbəsi ilə yekunlaşıb.

Qolları Pavel Zabelin (59) və Nikita Demçenko (78) Azərbaycan yığmasının qapısından keçirib.

Qeyd edək ki, Fernandu Santuşun rəhbərlik etdiyi kollektiv martın 22-də Haitiyə də məğlub olmuşdu - 0:3.

***

Azərbaycan - Belarus matçında ikinci qol vurulub.

Nikita Demçenko 78-ci dəqiqədə Belarus millisinin ikinci qolunu vurub - 2:0.

***

Azərbaycan - Belarus matçında hesab açılıb.

Belarus millisinin futbolçusu Pavel Zabelin 59-cu dəqiqədə fərqlənib.

***

Azərbaycan - Belarus matçında ikinci hissəyə start verilib.

Fasilədən sonra hesab 0:0-dır.

***

Azərbaycan - Belarus matçında ilk hissə başa çatıb.

Komandalar fasiləyə qolsuz bərabərliklə yollanıb.

Masazırdakı "Bank Respublika Arena"da keçirilən matçı gürcüstanlı hakim Aleko Aptsiauri idarə edir.

***

Futbol üzrə Azərbaycan millisi yoxlama oyununda Belarusla qarşılaşır.

Ölkə.Az "report"a istinadla xəbər verir ki, görüş Masazırdakı "Bank Respublika Arena"da keçirilir.

Matçı gürcüstanlı hakim Aleko Aptsiauri idarə edir.