"Qarabağ"ın və millinin futbolçusu Avropa klubuna keçir? - YENİLƏNİB
Ölkə.Az xəbər verir ki, bu barədə “Qarabağ”ın mətbuat katibi Anar Hacıyev “Qafqazinfo”ya açıqlama verib.
“Rəsmi təklif gəlib. Klubumuz tərəfindən onlara rəsmi cavab verilib. Bundan sonra geridönüş olmayıb. Bu gün isə onlarda artıq “transfer pəncərəsi” bağlanır”,- o bildirib.
***
"Qarabağ"ın futbolçusu Nəriman Axundzadə karyerasını ölkə xaricində davam etdirəcək.
Ölkə.Az Football.az-a istinadən xəbər verir ki, 20 yaşlı hücumçu Norveçin "Molde" klubuna keçəcək.
O, transfer məsələsini həll etmək üçün artıq Skandinaviya ölkəsinə yollanıb. Baş tutacaq keçidin detalları hələlik açıqlanmasa da, "Molde"nin Ağdam təmsilçisinə təxminən 400 min avro ödəyəcəyi gözlənilir.
Qeyd edək ki, N.Axundzadə bu mövsüm "Qarabağ"ın heyətində bütün turnirlərdə 32 oyun keçirib, 8 qol və 11 məhsuldar ötürmə ilə yadda qalıb. Onun "köhlən atlar"la müqavilə müddəti 2028-ci ilin yayına qədərdir.
