Mərkəzi Bank: İstehlak kreditlərinin həcmi azaldı

2015-ci il noyabrın 1-nə olan məlumata görə, Azərbaycan kredit təşkilatları tərəfindən 18 milyard 566,4 milyon manat kredit qoyuluşunun 7 milyard 557,1 milyon manatı ev təsərrüfatlarına (istehlak kreditləri - red.) aid olub.

Bu barədə Azərbaycan Mərkəzi Bankının (AMB) oktyabr ayının yekunlarına aid açıqladığı hesabatda deyilib.

AMB qeyd edib ki, kredit təşkilatları tərəfindən verilən istehlak kreditlərinin cəmi kreditlərdə xüsusi çəksisi isə son bir ayda 39,7%-dən 40,7%-ə yüksəlib.

Verilən istehlak kreidtlərinin ən pik həddi 2015-ci ilin martın 1-də qeydə alınıb, 8 milyard 416,7 milyon manat. Cari ilin əvvəlində, eləcə də fevralın 1-nə olan hesabata görə, istehlak kreditlərinin cəmi kreditlərdə xüsusi çəkisi nə az nə çox 44% olub.

Qeyd edək ki, cari ilin sentyabr ayının yekunlarına görə, Azərbaycanda istehlak kreditlərinin həcmi 7 milyard 592,2 milyon manat təşkil edib. Bu isə son bir ayda 35,1 milyon manat və ya 0,46% azalma deməkdir.

Ölkə.Az