\"Türkiyəyə qarşı sanksiyalar Rusiyada qiymətləri 25% artıracaq\"

Türkiyəyə qarşı Rusiyanın tətbiq etdiyi sanksiyalar bu ölkənin özündə ciddi iqtisadi problemlər yaradacaq.

Ölkə.az xəbər verir ki, bu haqda Avropa İnkişaf və Yenidənqurma Bankının ekspertləri proqnoz veriblər.

Ekspertlərin fikrincə Moskvanın Ankaraya qarşı tətbiq etdyi sanksiyalar Rusiyadakı inflyasiyanı 25%-ə qədər artıracaq. Turist xidmətlərinin də həmçinin 25% artacağını deyən Avropa bankının ekspertləri geridə qalan Türkiyə-Rusiya müştərək layihələrin dayandırılacağına inanmırlar. Onların fikrincə 2018-ci il dünya çempionatına qədər tikintisini türk inşaat şirkətlərinin apardığı stadionlar, hava limanlarının tikintisi davam edəcək. Çünki türk şirkətlərinin Rusiyadan çıxarılacaqları təqdirdə iri layihələr yarımçıq qala bilər.

Xatırladırıq ki, Türkiyə-Suriya sərhədində rus qırıcısının türk pilot tərəfindən vurulması iki ölkə arasındakı əlaqələri qırılma nöqtəsinə gətirib çıxarmışdı.

Ölkə.az