Yəmən prezidentindən barışıq təklifi

15 dekabr tarixinə BMT-nin vasitəçiliyi ilə tərəflərin danışıqları təyin edilib

Ölkə.Az xəbər verir ki, Yəmən prezidenti Abd Rabbu Mənsur Hadi Səudiyyə Ərəbistanın rəhbərlik etdiyi koalisiyanı 15 dekabrdan bir həftə müddətində atəşin dayandırılması planı haqqında məlumatlandırıb.

Bu barədə o, BMT baş katibi Pan Gi Muna məktubunda məlumat verib.

"Mən koalisiya rəhbərliyini məlumatlandırdım ki, biz 7 günlük barışığa başlamaq fikrindəyik. 15-21 dekabr ərzində baş tutacaq barışıq məsləhətləşmələr müddətinə təsadüf edir", - deyə sənəddə qeyd olunub.

Hadi bəyan edib ki, 7 günlük barışıq qarşı tərəfin razılıq verəcəyi təqdirdə elan ediləcək.

Qeyd edək ki, 15 dekabr tarixinə BMT-nin vasitəçiliyi ilə tərəflərin danışıqları təyin edilib.

Rəşid Mustafazadə

Ölkə.Az