Millimizin oyununda operatorun kadrları diqqət çəkdi – VİDEO

Belə ki, operatorun millimizin mərkəz müdafiəçisi Nigar Mirzəliyevanı obyektivə alması futbol azarkeşlərinin marağına səbəb olub.

Matçda zədələnən Sevinc Cəfərzadəyə tibbi yardım göstərilsə də, rejissor efirə millimizin digər üzvünün görüntülərini təqdim edib. Operatorun lentə aldığı kadrlar ekran qarşısında olan tamaşaçıların diqqətini çəkib.

Qeyd edək ki, Nikşiç şəhər stadionunda baş tutan görüşdə tərəflər hərəyə 1 dəfə fərqləniblər.
Qarşılaşmada hesabı seçməmizin heyətində 54-cü dəqiqədə Manə Mollayeva açıb. Rəqib komanda məğlubiyyətdən 90+2-ci dəqiqədə qaçıb. Jasna Dokoviç penalti zərbəsini dəqiq yerinə yetirib.

Azərbaycan yığması daha əvvəl Bakıda bu rəqiblə qolsuz heç-heçə edib, ikinci oyunda isə səfərdə Litvanı 2:0 hesabı ilə üstələyib.

Yığma bu nəticələrin ardından C Liqasının 4-cü qrupunda 5 xalla ikincidir.

Ölkə.Az