Yaponiya Rusiya əleyhinə sanksiyaları ləğv etməyə hazırdır

Yaponiya Rusiya əleyhinə tətbiq etdiyi sanksiyalara yenidən baxa bilər.

Ölkə.Az RİA Novostiyə istinadən xəbər verir ki, Yaponiya rəsmi Moskvanın Ukraynada gedən böhranın həll edilməsi yolunda aktiv addımlar atacağı halda tətbiq etdiyi sanksiyaları ləğv edə bilər.

Yaponiya xarici işlər naziri Fumio Kisida bildirib ki, tətbiq olunmuş sanksiyalara yenidən baxıla bilər.

"Rusiyanın Ukrayna konfliktinin dinc yolla həll edilməsi yolunda aktiv və aşkar addımlar atacağı halda qəbul edilmiş sanksiyalar düzəliş edilə və ya ümumiyyətlə ləğv oluna bilər", - deyə nazir bəyan edib.

Xatırladaq ki, Yaponiya hökuməti Rusiyaya qarşı yeni sanksiyalar tətbiq edib. Yaponiya Rusiyanın bank sektorunu əhatə edən əlavə sanksiyalar paketini qəbul edib.

Əvvəllər isə məlumat yayılmışdı ki, Yaponiya hökuməti Obamanın istəyilə Rusiya prezidenti Vladimir Putinin Tokio səfərini təxirə salıb. Lakin Yaponiyanın rəsmi açıqlamasından sonra məlum olub ki, məlumat tamamilə yalnışdır.

Rəşid Mustafazadə

Ölkə.Az