Maşın “Kamaz”a çırpıldı

Xaçmaz rayonunda ölümlə nəticələnən yol-nəqliyyat hadisəsi baş verib.

Ölkə.Az modern.az-a istinadən xəbər verir ki, hadisə Xudat-Yalama yolunun Xaçmaz rayonunun Ləcət kəndi ərazisində keçən hissəsində qeydə alənıb. Minik avtomobilinin yük maşınına çırpılması nəticəsində 1 nəfər həlak olub.

Belə ki, Xaçmaz rayonunun Ləcət kənd sakini Kərimov Kərim Ağaşirinoviçin idarə etdiyi “Vaz 21 011” markalı minik avtomobili qarşıdan gələn Xaçmaz rayonunun Hacıisaoba kənd sakini Arif Əmirhəmzəyev Malikoviçin idarə etdiyi “KAMAZ” markalı yük maşınına çırpılıb.

Nəticədə minik avtomobilinin sürücüsü K.Kərimov çoxsaylı ağır xəsarətlər alaraq Xaçmaz Mərkəzi rayon Xəstəxanasına çatdırılıb. Həkimlərin səyinə baxmayaraq onun həyatını xilas etmək mümkün olmayıb.

Faktla bağlı Xaçmaz rayon Polis Şöbəsində araşdırma aparılır.

Ölkə.Az