Azərbaycanda qadınlar hərbi xidmətə çağırılır
Daxili İşlər Nazirliyinin Daxili Qoşunlarının Baş İdarəsi qadınların hərbi xidmətə qəbulunu elan edib.
Daxili Qoşunların mətbuat xidmətindən Ölkə.Az-a verilən məlumata görə, Baş İdarə Azərbaycan Respublikasının qadın vətəndaşlarını könüllülük əsasında müddətdən artıq həqiqi hərbi xidmətə qəbul edir.
Xidmətə qəbulun şərtləri: hərbi xidmətə yararlı, fiziki hazırlıqlı, idman cüssəli; boy ölçüsü 170 sm-dən yuxarı; yaşı 19-dan aşağı və 25-dən yuxarı olmayan; ən azı orta təhsilli.
Hərbi xidmətin xüsusiyyətləri: xidmətə qəbul olunarkən əvvəlcə 3 illik müqavilə bağlanılır, xidmət müddəti başa çatdıqdan sonra müqavilənin müddəti dayandırıla və ya uzadıla bilər.
Hərbi xidmətə qəbul olunmaq istəyənlər həftənin I-III-V günləri saat 15:00-dan 17:30-dək, II, IV, VI günləri saat 09:00-dan 12:30-dək Daxili Qoşunların Baş İdarəsinin kadrlar şöbəsinə müraciət edə bilərlər.
Ölkə.Az