Dördüncü strateji kəşfiyyat təyyarəsi Türkiyəyə təhvil verildi

Türkiyə hərbi hava qüvvələrinin dördüncü strateji kəşfiyyat təyyarəsi "Batı" (Qərb) bu gündən orduya təhvil verilib.

Ölkə.az xəbər verir ki, adıçəkilən təyyarələrdən 3-ü artıq Türkiyə ordusunun balansında ölkənin hava sərhədlərini qorumaqdadır.

"Kuzey", "Güney" və "Doğu" adlı bu kəşfiyyat təyyarələri türk ordusunun gözü sayılır. Artıq Türkiyə dörd istiqamətdə öz hava sərhədlərini daha yaxşı qoruya biləcək. Bu təyyarələr radarların tuta bilməyəcəyi hündürlükdən yer səthinin dəqiq kəşfiyyatını həyata keçirmək qabiliyyətinə malikdirlər.

Bu gün istehsalını "Boeing" şirkətinin həyata keçirdiyi "Batı" adlı daha bir strateji kəşfiyyat təyyarəsinin təhvil-təslim prosesi başa çatıb. 4 təyyarə ümumilikdə Türkiyəyə 1,5 milyard dollara başa gəlib.

Təyyarənin test uçuşu Konya hərbi hava bazasında həyata keçirilib.

Ölkə.az