2016-cı ilin Santa Claus və Qar qızı onlardır: dünya çempionu Anar və müğənni Günel...

Müğənni Günel Ələkbərova ilə boks, Budo döyüş növləri üzə dəfələrlə dünya çempionu Anar Süleymanov Yeni il ərəfəsində maraqlı layihəyə imza atıblar.

Ölkə.az-ın məlumatına görə, türkiyəli fotoqraf Cihan Devecinin kamerası qarşısına keçən cütlük bayram personajlarını özlərinə məxsus şəkildə canlandırıblar. C.Deveci layihə barədə bunları deyib:

"Türkiyədə yaşayan memar-dizayner dostum Halime Coşkun Azərbaycanda özünün bir çox ideyalarını gerçəkləşdirib. Halime xanımın yeni ilə özəl hazırladığı qeyri-adi şirniyyat maketi, dəmir tellərdən hazırladığı şam ağacı, çox fərqli divar və masa dekorunu mən fotolarla daha canlı etmək qərarını verdim. İlk dəstək idmançı Anardan gəldi. O, bədəninin bütünlüklə qrim olunacağını bilə-bilə Santa Claus obrazını canlandırmaqdan imtina etmədi. Qar qız obrazını yaradacaq məşhurun kimliyini isə jurnalist Şahin Cavadsoya birgə dəqiqləşdirdik. Müğənni Günel Ələkbərova təklifimizə "hə" deyib çəkilişə razılıq verdi".

Sonda fotosessiyanı təqdim edirik.

İntiqam VALEHOĞLU
Ölkə.az