Dünyanın ən çox kitab oxuyan ölkələri açıqlanıb
Ötən il dünyada ən çox kitab oxunan ölkənin ABŞ olduğu açıqlanıb.
Ölkə.az xəbər verir ki, "World Population Review" və "CEO World Magazine"in məlumatlarına görə, Birləşmiş Ştatlar 2024-cü ildə ən çox kitab oxunan ölkələr siyahısında birinci yerdədir.
ABŞ-də hər bir insan ildə orta hesabla 357 saat kitab oxuyur ki, bu da ildə təxminən 17 kitaba bərabərdir.
Siyahıda ikinci yerdə olan və adambaşına oxunan kitab sayının orta hesabla 16 olduğu Hindistanda ildə adambaşına kitab oxumağa sərf olunan saatların sayı təxminən 352, üçüncü yerdə olan İngiltərədə isə ildə 343 saat kitab oxunur. Dörd və beşinci sırada Fransa və İtaliya yer alıb.
Kitaba ən az vaxt sərf edilən ölkələr arasında Əfqanıstan, Bruney, Pakistan, Səudiyyə Ərəbistanı və Birləşmiş Ərəb Əmirlikləri (BƏƏ) olub.
Həmidə İbrahimova
