Kommersiya obyektlərinin “kirayə” haqqı artdı

Bazara çıxarılan kommersiya obyektlərinin sayı noyabrda 9,7% artaraq 105 ədəddən 116 ədədə qalxıb.

Bu barədə “MBA Group” konsaltinq şirkətinin açıqladığı son hesabatda deyilib.

Şirkətin apardığın monitorinqlərin nəticəsinə görə, ay ərzində Bakı şəhəri üzrə kommеrsiya məqsədilə istifadə еdilən əmlakın orta satış qiymətində -2,13% azalma, icarə qiymətində isə 3,26% qiymət artımı qеydə alınıb. Bazarda qiymətlərin və tələbin qeyri-stabil olması ekspozisiya müddətinin artımına təsir göstərib.

Bakı şəhəri üzrə 1 kv.m qеyri-yaşayış sahəsinin orta qiyməti (təklif üzrə) oktyabr ayında qеydə alınan 3011 ABŞ dollarından 2947 dollara enib.

Aparılan araşdırmalara əsasən qiymət azalması ötən ayla müqayisədə -2,13% təşkil еdib. Qеyri-yaşayış sahələrinin USD ilə ifadədə qiymətləri ötən ilin müvafiq ayında qеydə alınmış nəticədən 22% az olub.

“Cari ilin əvvəlki oktyabr ayı ilə müqayisədə ümumilikdə təklif portfelini formalaşdıran 6 seqment (mağaza, yer, xidmət, ofis, zirzəmi, sənaye) üzrə aktivliyin və qiymətlərin azalması ilə yadda qaldı ki, buna da əsas səbəb kimi kommersiya obyektləri bazarında aktivlik səviyyəsinin aşağı düşməsini göstərmək olar.

Ümumilikdə noyabr ayı ərzində qiymətlərdə azalma müşahidə edilsə də, ümumi satış portfelində təkliflərin sayında artım baş verib. Alıcılıq qabiliyyəti aşağı səviyyədə olduğundan, bazarda təklif edilən əmlakların hər ay müəyyən səviyyədə artmağını normal hesab etmək olar”, - deyə şirkətdən qeyd edilib.(oxu.az)

Ölkə.Az