Bakıya işləmək adı ilə gələn gənc oğurluq etdi

Araşdırmalar davam edir.

Abşeron Rayon Polis İdarəsinin əməliyatçıları oğurluqda şübhəli bilinən şəxsi yaxalayıb. Naxçıvandan Bakıya işə düzəlmək adı ilə gələn gənc su çənlərinin oğurluğunda şübhəli bilinir.

Su çənlərinin yoxa çıxması barədə məlumatı Abşeron Rayon Polis İdarəsinə yeni yaşayiş massivinin sakinləri verib. Sakinlər bildiriblər ki, naməlum şəxslər onların bağ evlərindən iri su çənlərini oğurlayıb.

Zərərçəkənlərin şikayətindən sonra əraziyə gələn polis əməkdaşları dörd su çəninin oğurlandığını müəyənləşdirib. Oğurluq hadisələri eyni ərazidə törədildiyindən əməliyyatçılar həmin ərazini nəzarətdə saxlayıblar. Oğru beşinci su çənini “QAZel” markalı avtomobilə yükləyən zaman yaxalanıb. 

Naxçıvan şəhər sakini, müvəqqəti olaraq Abşeron rayonunun Digah kəndində yaşayan 21 yaşlı Elmar Məmmədov su çənlərini oğurlamasını etiraf edib. Elmarın sözlərinə görə su çənləri böyük olduğundan onları aparıb hardasa gizlədə bilməyəcəyini anlayıb. Bu səbədən, oğurluğu etməzdən əvvəl oğurlayacağı çənlərə müştəri tapırmış.

Oğurluq faktları üzrə Abşeron Rayon Polis İdarəsində Cinayət Məcəlləsinin “Oğurluq” maddəsi ilə cinayət işi başlanılıb, araşdırmalar davam edir. (oxu.az)

Ölkə.Az