Suriya müharibəsi Rusiyaya neçəyə başa gəlir?

Rusiyanın Suriya müharibəsinə xərcləyəcəyi pulun məbləği haqda mətbuata xəbərlər sızıb.

Ölkə.az xəbər verir ki, Rusiya hökumətindəki mənbəyə istinadla yayılan xəbərdə Rusiyanın 2016-cı ildə Suriya müharibəsinə 1,2 milyar dollar xərcləyəcəyi bildirilir.

Xatırladırıq ki, Rusiyanın RBK kanalı Rusiyanın Suriyadakı hərbi kampaniyaya hər gün 2,5 milyon dollar xərclədiyi haqda məlumat vermişdi.

Londondakı Birləşmiş Hərbi Araşdırmalar Kral İstitutunun hesablamalarına görə isə Rusiya noyabr ayının ortalarına qədər Suriyadakı hərbi əməliyyatlara 4 milyon dollar xərcləyirdisə, Türkiyənin rus təyyarəsini vurmasından sonra bu məbləğ iki dəfə artırılaraq 8 milyona çatdırılıb. Beləliklə Rusiyanın 2016-cı ildə Suriya müharibəsinə 3 milyard dollar xərcləyəcəyi gözlənilir.

Ölkə.az