Əhməd Davudoğlu: \"Rusiya Suriya türkmənlərinə qarşı soyqırım həyata keçirir\"

Türkiyədən Rusiyanın ünvanın çox ciddi ittihamlar səslənib.

Ölkə.az xəbər verir ki, Türkiyənin baş naziri Əhməd Davudoğlu dünən Anadolu agentliyinə verdiyi açıqlamada Suriya problemindən danışıb.

Əhməd Davudoğlu Suriyada Bəşər Əsəd tərəfindən həyata keçirilən etnik təmizləmələrdən danışaraq bunun gələcəkdə Suriyadan qaçqın axınını gücləndirəcəyini vurğulayıb.

"Rusiya və Əsəd rejimi Suriyada türkmənlərə qarşı etnik təmizləmə siyasəti aparır. Bu soyqırımdır. Biz İŞİD-dən təmizlənmiş ərazilərdə təhlükəsizlik zonasının yaradılmasının tərəfdarıyıq. Bu zonalara Suriyanın digər bölgələrindən gələn qaçqınların yerləşdirilməsi bu köçün qarşısını müəyyən qədər ala bilər", deyə Türkiyənin baş naziri bildirib.

Ölkə.az