Heydər Əliyevin xatirəsi Bakı Xoreoqrafiya Akademiyasında anılıb

Bakı Xoreoqrafiya Akademiyasında ulu öndər Heydər Əliyevin xatirəsi anılıb.

Ölkə.az-ın məlumatına görə, mərasimdə mədəniyyət və turizm nazirinin müavini Sevda Məmmədəliyeva, Azərbaycan Bəstəkarlar İttifaqının sədri Firəngiz Əlizadə, Azərbaycan Rəssamlar İttifaqının katibi Ağəli İbrahimov iştirak ediblər.

Mərasimdə Bakı Xoreoqrafiya Akademiyasının tələbələrinin ifasında ulu öndərin həyat yolunu tərənnüm edən “Ömrünü xalqına bəxş edən lider” adlı bədii kompozisiya təqdim edilib.

Sonra Akademiyanın rektoru Timuçin Əfəndiyev çıxış edərək, Heydər Əliyevin dahiyanə idarəçilik qabiliyyəti, strateji təfəkkürü, müdrik siyasəti, tarixi uzaqgörənliyi sayəsində respublikamızın keçdiyi inkişaf yolundan danışmış, ulu öndərin mədəniyyət və incəsənət sahəsinə böyük diqqət və qayğı göstərdiyini xüsusi olaraq vurğulayıb.

Ölkə.az