Rusiyanı "Eurovision"da bu məşhur təmsil edəcək

Onu hər kəs tanıyır

Ölkə.Az xəbər verir ki, 2016-cı ildə "Eurovision" mahnı müsabiqəsində Rusiyanı məşhur müğənni, 33 yaşlı Serqey Lazarev təmsil edəcək.

Bu məlumat Moskvada"Crocus City Hall"da keçirilən "Rusiya milli musiqi mükafatının" mərasimində açıqlanıb.

"Məndən asılı olan hər şeyi edəcəm ki, bizim ölkəni bu müsabiqədə layiqincə təmsil edim", - deyə musiqiçi bildirib.

"Eurovision" Avropa Yayım İttifaqı tərəfindən təşkil olunan ən yaxşı mahnı üzrə illik televiziya müsabiqəsidir.

Müsabiqədə Avropa Yayım İttifaqına üzv ölkələrdən bir nümayəndə iştirak edir. Hər ölkədən 3 dəqiqədən çox olmayan mahnı ifa edən yalnız bir nümayəndə (solist və ya qrup) iştirak edir. Çıxışdan sonra yarımfinalda və ya finalda ən sevilən mahnı telesəsvermə yolu ilə müəyyən edilir.

Müsabiqə 1956-cı ildən başlayaraq hər il keçirilir və dünyada ən məşhur qeyri-idman yarışlarından biridir. Ümumi izləyiciləri 100 milyondan, 800 milyon arasıdır. Avroviziya həmçinin Avropadan kənar da yayımlanır. Avstraliya, Kanada, Qazaxıstan, Misir, Honkonq, Hindistan, İordaniya, Livan, Yeni Zelandiya, CAR, Cənubi Koreya, Vyetnam və ABŞ kimi ölkələr müsabiqədə iştirak etməsələr də, müsabiqə bu ölkələrdə də yayımlanır. 2000-ci ildən başlayaq internetdə də yayımlanmağa başlayıb. 2006-cı ildə onlayn yayıma dünyanın 140 ölkəsindən 74 000 insan baxmışdır.

2008-ci ildə Avroviziya müsabiqəsindən birbaşa yayımı 50 ölkədən 400 milyon insan seyr etmişdi.

Müsabiqənin bütün intellektual mülkiyyət hüquqları Avropa Yayım İttifaqına məxsusdur.

Ölkə.Az