Sahib Alıyevdən ABŞ-a sərt ittihamlar

Ölkə.Az xəbər verir ki, bu fikirləri Milli Məclisin deputatı Sahib Alıyev "Facebook" səhifəsində yazıb.

"Amerikanın vitse-prezidenti Cozef Bayden gəlib Ukraynada Rusiyayaya Donbas və Krımdan çıx deyə barmaq silkələyəndə Dağlıq Qarabağdakı erməni separatçılarının "xarici işlər naziri" Karen Mirzayan onun ölkəsinə səfərə çıxdı. İndi bu erməni separatçısı orada dalbadal görüşlər keçirməkdədir ki, onlardan biri də Minsk qrupunun amerikalı həmsədri Ceyms Uorliklə oldu.

Abxaziya, Güney Osetiya, Dnestryanı bölgənin "xarici işlər nazirləri", Donbas və Krım separatçılarının liderləri Amerikaya gedə bilərdilərmi? Yox, əlbəttə. Getmiş olsa idilər, onlarlara kim görüşəcəkdi, Uorlik və yaxud da hansısa bir konqresmenmi? Xeyr, Federal Təhlükəsizlik Xidmətinin əməkdaşları. Görüşəcək və həmin separatçının əlinə qandal vurub həbs edəcəkdilər. Elə isə erməni separatçısıyla belə təmtaraqlı görüş nə üçündür və nəyə yönəlib? Bizə belə bir dövlətin ədalətliliyi bilirk yoxdur, neytrallığına inana bilərikmi? Yox, yenə də yox.

Maraqlıdır deyilmi, elə bu həftə Amerikada prezidentliyə namizədlərdən biri kimi adı hallandırlan milyarder Donald Tramp müsəlmanların onun ölkəsini sevmədiyini, ona görə də onların ora getmələrinə qadağa qoyulmasını təklif edirdi. O, indi qərbdə bu cür islamofob bəyanatla çıxış edən nə birinci, nə də axırıncı liderdir və görünür ki, onların sayı getdikcə artacaq. Ancaq Allah xatirinə, bizim üçün ən həssas məsələdə bu cür davranış sərgiləyən bir ölkəni Azərbaycanda necə sevə bilərlər?", - deyə Alıyev bildirib.

Ölkə.Az