“Mədəni Vətəndaş” layihəsi çərçivəsində Azərbaycan Dövlət İqtisad Universitetində təlim proqramı keçirildi
Azəri Yurdu Gənclər İctimai Birliyi Azərbaycan Respublikasının Prezidenti yanında Gənclər Fondunun (AzGF) dəstəyi ilə 7-ci qrant müsabiqəsində çərçivəsində A kateqoriyası üzrə “Mədəni Vətəndaş” adli layihəsinin icrasına başlamışdır. Layihənin məqsədi gənclərin və yeniyetmələrin daha etik, anlaşıqlı və mədəni yetişməsində yardımçı olmaq, gənc yaşlarından etik dəyərləri daha güclü formalaşdırmaq və ictimai davranış normalarını cəmiyyətə çatdırmaqdır.
Layihə çərçivəsində Bakı şəhərində yerləşən bir neçə ali təhsil müəssisələrində gənclər arasında mədəni dəyərlərin təbliği, şəhər nəqliyyatında, yollarda, park və xiyabanlarda ictimai davranış qaydalarının təbliğini məqsədilə gənclərin daha mədəni vətəndaş kimi formalaşması naminə təlim proqramları və seminarlar həyata keçirilməsi nəzərdə tutulur.
Layihə çərçivəsində «Kulturologiya və multikulturalizm: vətəndaş mədəniyyətinin formalaşdırılması». mövzusunda növbəti təlim proqramı 10 dekabr 2015-ci il tarixində Azərbaycan Dövlət Universitetində baş tutmuşdur. Təlim proqramında “Gənc İqtisadçılara dəstək” İctimai Birliyinin üzvləri, Universitetin Tələbə Gənclər və Həmkarlar Təşkilatının fəalları, universitetdə təhsil alan tələbələr və ekspert qismində qonaqlar iştirak edib. Qonaqları salamladıqdan sonra, Ümummilli lider Heydər Əliyevin xatirəsi bir dəqiqəlik sükutla yad edilmişdir. Tədbiri giriş sözü ilə açan “Azəri Yurdu” Gənclər İctimai Birliyinin sədri Mirəli Mahmudov keçirilən layihənin məqsədi haqqında ətraflı məlumat verib və gənclər arasında bu mövzuda maarifləndirmə işlərinin aparılmasının zəruri olduğunu bildirib.
Təlim proqramında məruzəçi qismində iştirak edən kulturoloq, tarix elmləri doktoru, Azərbaycan Respublikasının Prezidenti yanında Dövlət İdarəçilik Akademiyasının professoru Fuad Məmmədov belə layihələrin təqdirəlayiq olduğunu vurğulayıb, kulturologiya sahəsində təcrübələrini gənclərlə bölüşüb. Daha sonra iştirakçılar arasında mövzu ətrafında geniş fikir mübadiləsi olub.
Ölkə.Az
