Ekspert: \"Türkiyə Rusiyaya tarixi dərs verdi\"

Hərbi təyyarəsi vurulan Rusiya sakitləşmək bilmir.

Rusiya Ermənistandakı Erebuni hərbi bazasına 14 vertolyot göndərib. Bundan əlavə Rusiya Suriyadakı Latakiya şəhərinə əlavə qırıcılar yerləşdiriməyə davam edir. Rəsmi Moskva Aralıq dənizinə yeni sualtı qayıqlar da yerləşdirib. Rusiyanın Türkiyə ətrafına çoxlu sayda silah-sursat yığır.

Rusiyanın atdığı bu addımları hərbi ekspert Üzeyir Cəfərov Ölkə.Az-a şərh edib:

"Rusiyanın son addımlarını normal qarşılamaq olmaz. Ona görə ki, indiyənə qədər Rusiyanın qarşısına çıxan olmamışdır, düşünürdüm Rusiya aldığı bu zərbədən sakit başla hərəkət edəcək. Görünən odur ki, Rusiya bunu həzm edə bilmir. Türkiyə faktiki olaraq Rusiyaya dərs verdi ki, bu gün dünyada hegemonluq, özündənrazılıq faktiki olaraq işə yaramır.

Rusiya kanallarında təbliğata başlayıblar. "Ərdoğan Osmanlı imperiyasını bərpa etməyə çalışır. Bundan əlavə Rusiyanın danışan dili Dugin deyir ki, biz məcbur edəcəyik ki, İstanbulun adı dəyişsin.

Rusiyanın atdığı addımların hamısı bumeranq kimi özünə qayıdır. Bütün dünya ilə savaşmaq mümkün deyil. Rusiyanın Türkiyəyə qarşı bu cür addım atması düzgün deyil. Qərbin Rusiyaya qarşı tətbiq etdii sanksiyalara Türkiyə qoşulmamışdı. Türkiyə Rusiyaya dost dövlət idi. İndi Rusiyanın Türkiyəyə qarşı atdığı addımlar sərxoş rusun başını itirməsi kimidir. Rusiya ayılanda gec olacaq. Rusiya Suriyaya qoşunlar göndərir, İranı, Ermənistanı bu məsələyə cəlb edir. Guya biz başa düşmürük ki, Rusiyanın Ermənistana yerləşdirdiyi döyüş helikoterləri nə üçündür. Niyə görə o helikoterlər 1, 2 ay bundan əvvəl Ermənistanda verilmirdi?

Yapon imperatorunun ad günündə bütün diplomatlar, siyasətçilər iştirak edirdi, yalnız Rusiyanın səfiri Darokin yetim kimi ortalıqda gəzirdi. Demək olar ki, onunla heç kim salamlaşmırdı, danışmırdı. Rusiya bu gün NATO-ya qarşı savaş açır. Hələlik dünya Rusiyanın ağıllanmasını gözləyir. Silahlanma ilə Rusiya nə etmək istəyir? Türkiyənin ərazisində, boğazdan keçən gəmidə heç bir ehtiyac olmadığı halda rus əsgəri çininə "İqla"nı qoyur. Rusiyanın bununla Türkiyəyə nə demək istədiyi aydındır. Balaca bir Şimali Qafqaz Rusiyanın gününü qara eləmişdi. İndi Rusiya rəhbərliyi Türkiyə kimi nəhəng NATO dövlətinə savaş açmaq istəyir. Rusiya problem istəyirsə, artıq o problemlər başlayıb. Yaponiya Kuril adalarını yenidən gündəmə gətirib. Rusiyanın öz daxilində tatarların məsələsi gündəmə gəlib. 2016-cı il Rusiya üçün çox çətin olacaq. Bizim bəzi başı boşlar fikirləşir ki, bizim nicatımız Rusiyadadır. Ermənistanın son zamanlar cəbhədə vəziyyəti gərginləşdirməsinin səbəbkarı da elə Rusiyadır. Rəşad Məcidlər, Aqil Abbaslar dediyi kimi Türkiyə Rusiyadan üzr istəməyəcək".

Qeyd edək ki, Rusiya Türkiyə münasibətlərinin gərginləşməsinə səbəb rus hərbi təyyarəsinin Türkiyə sərhəddini pozduqdan sonra Türkiyə tərəfindən vurulması olub.

Səxavət Məmməd
Ölkə.Az