İŞİD əsirinin ikinci videosu yayıldı

İŞİD əsirliyində saxlanılan britaniyalı jurnalist Con Kentlinin növbəti videosu yayılıb.

Ölkə.Az BBC-nin Rusiya xidmətinə istinad edərək xəbər verir ki, İŞİD terror qruplaşmasının əsirliyində saxlanılan jurnalistin ikinci videosu internetə yerləşdirilib.

Bir həftə öncə internet şəbəkəsində jurnalistin iştirak etdiyi ilk video yayılmışdı. Əvvəlki videoda olduğu kimi, Con Kentli Kubada yerləşən Quantanamo həbsxanasında istifadə edilən narıncı geyimdə masa arxasında əyləşib. 

O, Britaniya hökümətinin kömək etmədiyindən şikayətlənir. Videonun ümumi müddəti 6 dəqiqədir. Jurnalist bildirir ki, Qərb ölkələri İŞİD-in imkanlarını düzgün qiymətləndirməyiblər.

Con Kentli Suriyada ikinci dəfə əsir düşür. İlk dəfə o 2012-ci ildə Suriyada əsir alınsa da sonradan Azad Suriya ordusu üsyançılarına qoşularaq qaça bilmişdi.

Rəşid Mustafazadə

Ölkə.Az