Ağ Evə hücum edənlər silahlı imiş

Sentyabrın 20-də Ağ Evə daxil olmağa çalışan, ayın 21-də isə avtomobili ilə Ağ Ev ərazisini tərk etməkdən imtina edən şəxslərin hər ikisi silahlı olub. Bu açıqlamanı Vaşinqton prokurorluğu edib.

Ağ Evin hasarından atlayaraq binaya daxil olmağa çalışan şəxs bıçaqla silahlanmış olub, ikinci qanun pozucusunun avtomobilində isə silah və 800 güllə aşkar edilib. 

İraq müharibəsi veteranı olan 42 yaşlı Omar Qonsales Ağ Evin həyətinə daxil olarkən, prezident Barak Obama və ailəsi 10 dəqiqə əvvəl Ağ Evi tərk etmişdi. 

İnsidentlərdən sonra ABŞ Məxfi Xidməti prezident iqamətgahının bütün Şimal Hasarı boyunca patrul və müşahidə tədbirlərini gücləndirib. Ağ Evin mühafizəsi ilə bağlı araşdırma başladılsa da, ABŞ prezidenti Barak Obama Məxfi Xidmətin işini qiymətləndirib və Ağ Evə daxil olmaq istəyən silahlı şəxsin saxlanılması zamanı fədakarlıq göstərən məxfi agentlərə şəxsən təşəkkürünü bildirib./Anspress/

Ölkə.Az