Ronaldo niyə "daha 10 il futbol oynayacağam" dedi? - Yoxlamanın nəticəsi
Portuqaliyalı futbolçu Kriştiano Ronaldo bioloji yaşının 28 olmağına münasibət bildirib. Ölkə.az qol.az-a istinadən xəbər verir ki, onun bədəni xüsusi cihaz vasitəsilə müayinə olunub. Futbolçunun bioloji yaşının 28.9 olduğu ortaya çıxıb. 40 yaşlı hücumçu faktla bağlı belə açıqlama verib:
"Hər şeyin belə yaxşı getdiyinə inana bilmirəm... 28,9 yaş. Bu o deməkdir ki, mən daha 10 il futbol oynayacağam".
Qeyd edək ki, "Əl-Nəsr"in formasını geyinən Ronaldo bu mövsüm bütün turnirlərdə 39 oyun keçirib, 33 qol vurub və 4 məhsuldar ötürmə verib. Onun klubla hazırkı müqaviləsi 2025-ci ilin yayına qədərdir.
