Qızla evlənməyə qoymadılar, özünü öldürmək istədi

Gəncə şəhərində intihara cəhd olunub.

Ölkə.Az APA-ya istinadən verdiyi məlumata görə, Gəncə şəhər sakini, 1994-cü il təvəllüdlü Etibar Musayev ağır kimyəvi maddə ilə zəhərlənmə əlamətləri ilə Gəncə şəhər Təcili Tibbi Yardım Xəstəxanasına yerləşdirilib.

Ona dərhal tibbi yardım göstərilib, vəziyyətinin ağır olduğu bildirilir.

E. Musayevin valideynləri bildirib ki, övladları evlənmək məqsədi ilə qaçırdığı qızın ailəsi ilə yaranan narazılıq səbəbindən gəmiricilər əleyhinə olan dərman içərək intihara cəhd edib.

Faktla bağlı hüquq-mühafizə orqanları tərəfindən araşdırma aparılır.

Ölkə.Az