Metformin qəbulu ömrü 90 ilə qədər uzadırmı?

Ölkə.az xəbər verir ki, nəticələr "The Journals of Gerontology: Series A" jurnalında dərc olunub.

Tədqiqata, əvvəllər müalicə almamış, yeni diaqnoz qoyulmuş diabetli 60 yaşdan yuxarı qadınlar daxil olub. Müalicənin sağ qalmağa təsirini qiymətləndirmək üçün simulyasiya edilmiş klinik sınaq yanaşmasından istifadə edilib. Təhlildə 438 iştirakçı iki bərabər qrupa bölünüb: biri metformin, digəri sulfonilüre törəmələri ilə terapiyaya başlayıb. Bədən kütləsi indeksindən və həyat tərzindən tutmuş, müşayiət olunan xəstəliklərə qədər onlarla amil nəzərə alınıb.

15 ildən çox izləmə zamanı 90 yaşından əvvəl ölüm riski metformin qrupunda müqayisə qrupuna nisbətən 30 faiz aşağı olub. Müəlliflər vurğulayırlar ki, bu, gözlənilən ömür uzunluğunun sübut olunmuş artımı deyil, yalnız alternativ dərmanla müqayisədir. 

Həmidə İbrahimova