Avropa Şurasının baş katibi Azərbaycanda insan haqlarının vəziyyəti ilə bağlı araşdırmaya başlayıb

Avropa Şurasının baş katibi Torbyörn Yaqland Azərbaycanın Avropa İnsan Haqları Konvensiyasına əməl etməsi ilə bağlı araşdırmaya başladığını bildirib.

Qurumun saytında dərc edilmiş məlumata görə, o, hakimiyyət nümayəndələrindən İnsan Haqları Konvensiyasının icra edilməsi ilə bağlı arayışlar alınması üçün Azərbaycana nümayəndələrini göndərəcəyini bildirib.

Avropa İnsan Haqları Konvensiyasının 52-ci maddəsinə əsasən, baş katib konvensiyanın üzv dövlətdə icrasının müvafiq şəkildə yerinə yetirilməsini müəyyənləşdirmək üçün araşdırmaya başlaya bilər.

Ölkə.az