“Uşaqlarını öz əllərimlə öldürəcəyəm” - Təhdidə görə ailəsinin şəklini paylaşdı
Ölkə.Az xarici mediaya istinadən xəbər verir ki, onun həyat yoldaşı, tanınmış italiyalı influnser Alise Kampello “Instagram” hesabında aldığı ölüm təhdidlərini ifşa edib. Paylaşdığı ekran görüntüsündə aşağıdakı dəhşətli ifadələrin yer aldığını bildirib:
“Ərinlə küçədə rastlaşsam, öldürəcəyəm. Onu bir an belə rahat buraxmayacağam. Uşaqlarını öz əllərimlə öldürəcəyəm. Ümid edirəm, heç biriniz sağ qalmazsınız.”
Bu təhdid sosial şəbəkələrdə geniş əks-səda doğurub və bir daha göstərib ki, bəzi hallarda idman ehtirası faciələrə yol aça bilər.
Morata: “Hamımız səhv edə bilərik”
Təzyiqlərin ardınca Alvaro Morata da səssiz qalmayıb. O, övladları ilə paylaşdığı foto ilə birlikdə belə bir açıqlama verib:
“Hamımız səhv edə bilərik. Həyat öyrənmək və təcrübə qazanmaq üçündür. Futbol həyəcanlı və proqnozlaşdırılmaz olduğu üçün gözəldir. İdman əyləncə vasitəsidir və elə də dəyərləndirilməlidir. Ən önəmlisi necə insan olduğumuzdur. Kimisə bir səhvə görə hədəf almaq əvəzinə, onun həyatına və nailiyyətlərinə baxmaq lazımdır. Zəhmət olmasa, hörmətli olun və pis insan olmaqdan əl çəkin”.
Kampellonun paylaşımı qısa müddətdə minlərlə insanın diqqətini çəkib. Sosial şəbəkə istifadəçiləri həm Alise Kampelloya dəstək ifadə ediblər, həm də bu cür təhdidlərə qarşı sərt reaksiya bildiriblər.
Miri
