Roma Papasını 3 min polis İŞİD-dən qoruyur
Papa Fransisk Albaniyada səfərdədir
Roma Papası Fransisk Albaniyadadır. O, Vatikanın dövlət başçısı seçildikdən sonra ilk dəfədir ki, İtaliyadan başqa bir Avropa ölkəsinə rəsmi səfərə gedib. Bu barədə BBC radiosu xəbər yayıb.
Qeyd olunur ki, Albaniya əhalisinin 10 faizi katolikdir. Ancaq Həzrəti İsanın Yer üzərində nümayəndəsi hesab olunan Papanı salamlamaq üçün fərqli dinlərdən olan insanlar bir araya gəliblər. Papa bildirib ki, Albaniyadakı katoliklər kommunizm dönəmində ciddi basqılar altında yaşayıblar.
“Tereza Ana” meydanında keçirilən dini mərasimə qatılan Roma Papası daha sonra Albaniya prezidenti ilə görüşüb. Papa bildirib ki, Albaniyada əhalinin əksəriyyəti müsəlman olsa da, burada xristianlarla müsəlmanlar harmoniya içində yaşayırlar. Və bu, digər ölkələr üçün gözəl nümunə hesab olunmalnıdır.
Cənab Fransiskin səfəri yüksək təhlükəsizilik tədbirləri altında keçirilir. Belə ki, Papanın təhlükəsizliyin 3 min polis qoruyur.
Səfərdən öncə Qərb mediasında belə xəbərlər yayılmışdı ki, İŞİD-ə məxsus terrorçular Papa Fransiskə qarşı sui-qəsd planlaşdırıblar.
Buna baxmayaraq rəsmi Vatikan dövlət başçısının səfərini təxirə salmağı lazım bilmədiyini bəyan etmişdi. (musavat)
Ölkə.Az
