“Moody\'s”: Faiz artımı ən çox Rusiya və Türkiyəyə təsir edəcək

Agentliyin məruzəsi yayıldı.

ABŞ Federal Ehtiyat Sisteminin (FES) uçot dərəcəsinin artırılması haqqında qərarı Rusiya və Türkiyə də daxil olmaq üzərə bəzi inkişaf edən ölkələrə qarşı risklər yaradacaq. 

Bu barədə “Moody's” beynəlxalq reytinq agentliyinin son məruzəsində deyilib. 

FES-in faiz artım qərarı almasının yüksələn bazar iqtisadiyyatları üçün önəmli bir qeyri-müəyyənliyi aradan qaldıracağına işarə edilən məruzədə, bununla yanaşı, bəzi inkişaf edən ölkələrin kapital çıxışları və investor inamında dəyişikliklərdən mənfi təsirlənəcəyini qeyd edilib.

Açıqlamada, faiz artımından ən çox təsirlənəcək inkişaf edən ölkələr Braziliya, Rusiya, Türkiyə və Cənubi Afrika şəklində sadalanıb:

“Daxili problemlərin valyuta məzənnəsi və maliyyə bazarlardakı qeyri-sabitliyi artırdığı Braziliya, Rusiya, Türkiyə və qismən Cənubi Afrika, böyük inkişaf edən iqtisadiyyatlar arasında ən çox təsirlənməsi ehtimal olunan ölkələrdir”.

“Bu ölkələrin inkişafı davam etdirmək və xarici şoklardan qorunmaq üçün istifadə edəcəkləri siyasi gedişlər məhduddur”, - deyə məruzədə deyilib. (oxu.az)

Ölkə.Az