Formula 1 Avropa Qran-Prisinin proqramı məlum oldu
İlk yarış bilet sahiblərinin Pit zolağında yürüşü ilə başlayacaq.
2016-cı ilin iyun ayında Bakıda baş tutacaq Formula 1 Avropa Qran-Prisinin rəsmi proqramı məlum olub.
Oxu.Az xəbər verir ki, ilk yarış 16 iyunda Abşeron tribunaya bilet sahiblərinin Pit zolağında yürüşü ilə başlayacaq.
Növbəti gün - 17 iyunda GP2 Seriyası test yürüşü, Formula 1-in birinci test yürüşü, Formula 1-in ikinci test yürüşü, GP2 təsnifat yarışlarının keçirilməsi nəzərdə tutulur.
18 iyunda isə GP2-nin birinci yarısı, Formula 1-in üçüncü test yürüşü və Formula 1-in təsnifat yürüşü keçiriləcək.
Yarışın son günündə, yəni 19 iyunda GP2 – ikinci yarış, sonra Formula 1 Qran-Prisinin keçirilməsi nəzərdə tutulur.
Qeyd edək ki, GP2 Seriya yarışları Formula-1-in digər seriyası - Formula-3000 yarışlarının dəstəklənməsi dayandırıldıqdan sonra 2005-ci ildə təqdim edilmiş yarışlar sinfidir.
Ölkə.Az